އެ މަސައްކަތް ކުރަނީ އެމްޓީސީސީންނެވެ. އެ ކުންފުނިން އެ މަސައްކަތް ކުރާނީ ސީއެސްއާރު ޕްރޮޖެކްޓެއްގެ ގޮތުގައެވެ.
ޖުމްހޫރީ މައިދާނުގައި ހުރި ފެންއަރުވާ ވަޑާން -- ފައްވާރާ މަރާމާތުކޮށް ކުރިއަށް އޮތް ރޯދަ މަހު ހުޅުވާން ނިންމައިފި އެވެ.
ރައީސް ޔާމީންގެ ސަރުކާރު ގައި ޖުމްހޫރީ މައިދާން ސަރަހައްދު ވަނީ ތަރައްގީ ކޮށްފަ އެވެ. އޭރު އެންމެ ހާއްސަ ބަދަލަށް ގެނައީ ކުރީން ހުރި ފައްވާރާގެ ބަދަލު ގައި ޒަމާނީ ފައްވާރާއެއް ތަރައްގީ ކުރުމެވެ. އެތަން ތަރައްގީ ކުރީ ކުޑަކުދީންނަށް އެތަނުން ވަރަށް ބޮޑު ހިތްހަމަޖެހުމެއް ލިބޭ ގޮތަށެވެ.
ފައްވާރާ އިން ފެންވަރާ ކުޅިވަރު ކުޅެވޭ ގޮތަށެވެ. އަދި ކުލަ ބޮކިތަކުން ދިއްލާލާ އެ ސަރަހައްދަށް ވަރަށް ބޮޑު ޒީނަތްތެރި ކަމެއް ގެނެސް ދިނެވެ. ނަމަވެސް މިދިޔަ ދުވަސްތަކުގައި އެ ތަން ނުބެލެހެއްޓި ވަނީ ހަލާކުވެގެން ގޮސްފަ އެވެ.
ކައުންސިލްތަކާއި ބެހޭ މިނިސްޓަރު އާދަމް ޝަރީފް އުމަރު އިއްޔެ ވިދާޅުވީ ފައްވާރާ މަރާމާތުކޮށް އިތުރަށް ފުރިހަމަ ކުރުމުގެ މަސައްކަތް ފަށާފައިވާ ކަމަށެވެ. އަދި ކުރިއަށް އޮތް ރޯދަ މަގަށް ހުޅުވުމަށް ރައީސް މުއިއްޒުގެ އިރުޝާދާ އެކު ސަރުކާރުން ކުރަމުން ގެންދާ ކަމަށެވެ.
އެ މަސައްކަތް ކުރަނީ އެމްޓީސީސީންނެވެ. އެ ކުންފުނިން އެ މަސައްކަތް ކުރާނީ ސީއެސްއާރު ޕްރޮޖެކްޓެއްގެ ގޮތުގަ އެވެ.