ބަޔާނެއް ނެރެ އިސްލާމިކް މިނިސްޓްރީން ބުނީ "އަލް މަޝްއަރު ހައްޖު އުމްރާ" އާއި "ވަޑި ހައްޖު އެންޑް އުމްރާ" އިން ހުއްދަ ނެތި އުމްރާ އަށް މީހުން ގެންދަން ފައިސާ ނަގަމުން އަންނަ ކަމަށެވެ.
ހުއްދަ ނެތި ދެ ކުންފުންޏަކުން އުމްރާ އަށް މީހުން ގެންދަން ފައިސާ ނަގަމުންދާ ކަމަށް ބުނެ އެކަމަށް ސަމާލު ވުމަށް އިސްލާމިކް މިނިސްޓްރީން އިލްތިމާސް ކޮށްފި އެވެ.
ބަޔާނެއް ނެރެ އިސްލާމިކް މިނިސްޓްރީން ބުނީ "އަލް މަޝްއަރު ހައްޖު އުމްރާ" އާއި "ވަޑި ހައްޖު އެންޑް އުމްރާ" އިން ހުއްދަ ނެތި އުމްރާ އަށް މީހުން ގެންދަން ފައިސާ ނަގަމުން އަންނަ ކަމަށެވެ.
އެގޮތުން އުމްރާއަށް ގެންގޮސްދޭ ކަމަށް އިއުލާންކޮށް އެ ދެ ގުރޫޕުން ފައިސާ ނަގަމުންދާކަން ސޯޝަލް މީޑިއާ އިން ފާހަގަވެފައިވާ ކަމަށާ މިއީ މަނާ ކަމަކަަށް ވާތީ އެކަން އެގޮތަށް ނުކުރުމަށް ވަނީ އަންގާފައެވެ.
އަދި އެފަދަ ކުންފުނިތަކަށް އުމްރާގެ އަޅުކަން އަދާ ކުރުމަށް ފައިސާ ނުދެއްކުމަށް މިނިސްޓްރީން ވަނީ އިލްތިމާސްކޮށްފަ އެވެ.
އުމްރާގެ ހިދުމަތް ދިނުމަށް މިނިސްޓްރީން ހުއްދަ ދީފައިވާ ކުންފުނިތަކުގެ ލިސްޓް މިހާރު މިނިސްޓްރީގެ ވެބްސައިޓުން ފެންނަން ހުންނާނެ ކަމަށް ވެސް ބުންޏެވެ.