ގައުމިއްޔަތާބެހޭ ވަކި މާއްދާއެއް ތައުލީމު މަންހަޖުގެ ތެރެއަށް ތައާރަފު ކުރުމަކީ ރައީސް ޑރ. މުޙައްމަދު މުއިއްޒުގެ ވައުދެކެވެ.
ރައީސް ޑރ. މުހައްމަދު މުއިއްޒުގެ ސަރުކާރުން ކިޔަވައިދޭން ނިންމާފައިވާ "ގައުމިއްޔަތު" މާއްދާ، އަޖުމަ ބެލުމުގެ ގޮތުން ފުރަތަމަ ކިޔަވައިދޭނީ ގްރޭޑް ހަތަރެއްގެ ދަރިވަރުންނަށް ކަމަށް އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވެއްޖެ އެވެ.
ޕީއެސްއެމް ނިއުސްގައި މިނިސްޓަރު ޝަފީއު ވިދާޅުވީ ގައުމިއްޔަތު މާއްދާ ހުރިހާ ގްރޭޑަކަށް ހުޅުވައިލުމުގެ ކުރިން އަޖުމަ ބަލާނެ ކަމަށާއި މިހާރުވެސް އެހެން ބައެއް މާއްދާތަކުގެ ތެރޭން "ގައުމިއްޔަތު" އުނގަންނައިދޭ ކަމަށާއި "ގައުމިއްޔަތު" މާއްދާގެ ތިން ހަފުތާގެ ތެރޭގައި ފަށާނެ ކަމަށެވެ.
މިނިސްޓަރު ވިދާޅުވީ "ގައުމިއްޔަތު" މާއްދާއަކީ ވަރަށް ފުޅާ މުހިއްމު މާއްދާއެއް ކަމަށްވުމުން ވަކި މާއްދާއެއްގެ ގޮތުގައި ކިޔަވައި ދިނުމުން ބެލެނިވެރިންނާއި ދަރިވަރުންނަށް ގައުމިއްޔަތާއިބެހޭ އިތުރު ސައްހަ މައުލޫމާތު ލިބި ގައުމަށް ދަރިވަރުންގެ ހިތުގައި އޮތް ލޯބި އިތުރުވާނެ ކަމަށެވެ.