މިދިއަ އަހަރުގެ އޮކްޓޫބަރު މަހު ތެރޭގައި ފެށި ހަނގުރާމާގައި މިހާތަނަށް 23،084 މީހުން ފަލަސްތީނުން މަރާލާފައި ވެއެވެ.
އިޒްރޭލަށާއި އެ ގައުމުގެ ބޮޑުވަޒީރު ބެންޖަމީން ނަތަންޔާހޫއަށް ސަރަޙައްދީ ހަނގުރާމައެއް ކުރުމުގައި ކުރިޔަށް ދާން ބައިނަލްއަގުވާމީ މުޖުތަމައުން ފަހިކޮށް ފުރުސަތުތައް ހުޅުވަފައި އޮތުން ބަލައި ނުގަނެވޭ ކަމަށައި އުރުދުން އިން ބުނެފި އެވެ.
އުރުދުންގެ ހާރިޖީ ވަޒީރު އައިމަން ސަފްދީ ވިދާޅުވީ ފަލަސްތީނުގެ ގާޒާއަށް އިޒްރޭލުން ދޭ ހަމަލާތަކާ އިޒްރޭލުން ހުއްޓާލުމެއް ނެތި ކުރިޔަށް ގެންދާ ހަނގުރާމައާ ގުޅުވާލައްވާ ފްރާންސްގެ ހާރިޖީ ވަޒީރާއެކު ދެއްކެވި ވާހަކަފުޅުގަ އެވެ.
އުރުދުން ދެކޭ ގޮތުގައި ހަނގުރާމަ ނިންމަން ގޮވާލާ އދ. އިން ގަރާރެއް ފާސް ކުރާކަށް މިހާރު ހުރަހެއް ނެތެވެ. އެކަމަކު އެކަން އެގޮތަށް ފަހި ނުކޮށްދޭތީ ނަތަންޔާހޫ މަސައްކަތް ކުރައްވަނީ ސީދާ ސަރަޙައްދީ ހަނގުރާމައަކަށް ދާށެވެ. އޭރަށް މިހާރު އުފެދިފައިވާ ސަރަޙައްދީ ހަމަނުޖެހުން ބޮޑުވެގެން ދާނެ އެވެ.
މިދިއަ އަހަރުގެ އޮކްޓޫބަރު މަހު ތެރޭގައި ފެށި ހަނގުރާމާގައި މިހާތަނަށް 23،084 މީހުން ފަލަސްތީނުން މަރާލާފައި ވެއެވެ.