ފަސިންޖަރުންނާއި މުދާ އުފުލާ ދެ ބޯޓެއް ފަރަށް އަރައިފި

ގިނަ އަދަދެއްގެ މުދާ ބަރު ކޮށްގެން ދިޔަ ބޯޓަކާއި ފަޖިސްޖަރުންނާއެކު ދަތުރު ކުރި ބޯޓެއް ފަރަށް އަރައިފި އެވެ.

ފަރަށް އެރި އެއް ބޯޓަކީ ހދ. ކުޅުދުއްފުށީ "ބަހާދަރު" ބޯޓެވެ. އެ ބޯޓު ރޭ ދަންވަރު 1:30 އެހާކަންހާއިރު ފަރަށް އަރާފައި ވަނީ 52 ފަޖިސްޖަރުންނާއެކު ދަތުރު ކުރަމުން ދަނިކޮށެވެ. ބޯޓު ފަރަށް އެރީ ނ. އަތޮޅު ދެކެނަންފަރު ހިސާބުން ކަމަށް ބޯޓުން ވަނީ މައުލޫމާތު ދީފަ އެވެ.

ބޯޓު ފުންކުރުމުގެ މަސައްކަތް ކުރަމުންދާއިރު ހުރިހާ ފަސިންޖަރުންގެ ހާލު ވެސް ރަނގަޅެވެ. ފަޖިސްޖަރުން މިހާރު ދަނީ ކުޅުދުއްފުއްޓަށް ދަތުރު ކުރަމުންނެވެ.

މިއަދު ހެނދުނު 6:15 ހާއިރު އިތުރު ބޯޓެއް ވަނީ ފަރަށް އަރާފަ އެވެ. އެއީ ލ. ދަނބިދޫގެ "ބަލަސްމާ" ބޯޓެވެ. މި ބޯޓަކީ މުދާ އުފުލާ ނާލު ބޯޓެކެވެ.

އެރަށު ކައުންސިލުން ބުނެފައި ވަނީ ބޯޓުގެ މުދާތައް ސަލާމަތް ކުރުމަށް އެ ރަށުގެ ދޯނި ފަހަރުތަކާއި ރައްޔިތުން އެކުގައި މަސައްކަތް ކުރަމުންދާ ކަމަށެވެ.