ކޯޓަށް "ފިލައިގެން" އުޅުމަށްފަހު އައްބާސް މިއަދު ހާޒިރުވެއްޖެ
ގާޒީ ސޮފްވަތު ހަބީބް ވަނީ އޭނާއަށް ވަކީލަކު ހަމަޖެއްސުމަށް 10 ދުވަހުގެ ފުރުސަތެއް ދެއްވާފަ އެވެ. އަދި، ރާއްޖެއިން ބޭރަށް ދާނަމަ ކޯޓަށް އެންގުމަށް ވެސް ގާޒީ ވަނީ އަންގަވާފަ އެވެ.
އިންޑިއާ ހައިކޮމިޝަނުގައި ހުޅު ޖަހައި އަންދާލަން ގޮވާލި މައްސަލައިގައި ދައުވާ ކޮށްފައިވާ ރައީސް އޮފީހުގެ ކުރީގެ ތަރުޖަމާނު، އައްބާސް އާދިލް ރިޒާ މިއަދު ކޯޓަށް ހާޒިރުވުމުން މައްސަލަ ފަށައިފި އެވެ.
މާލޭގެ އެކިތަންތަނާއި އިންޑިއާ ހައިކޮމިޝަންގައި ހުޅުޖަހަން ގޮވައިލި މައްސަލައިގައި އައްބާސްގެ މައްޗަށް އުފުލާފައި ވަނީ ފަނާ ކޮށްފާނެ ކަމުގެ ބިރު ދެއްކުމުގެ ކުށުގެ ދައުވާ އެވެ. އައްބާސްއަށް މިދިޔަ ފެބްރުއަރީ މަހުގައި ދައުވާކޮށްފައިވީ ނަމަވެސް މިއަދާ ހަމަޔަށް އެއްވެސް އަޑުއެހުމެއް ބޭއްވިފައެއް ނުވެ އެވެ. އެއީ އައްބާސް ކޯޓަށް ހާޒިރު ނުވެގެންނެވެ.
މިއަދު ތާވަލު ކުރި އަޑުއެހުމަށް އޭނާ ވަޑައިގެންނެވީ އެކަންޏެވެ. އޭނާއަށް ކުރާ ދައުވާ ދައުލަތުން އިއްވި ނަމަވެސް ޖަވާބުދާރީވެފައެއް ނުވެ އެވެ. އޭނާ އެދިވަޑައިގެންނެވީ ވަކީލަކު އައްޔަނު ކުރުމުގެ ފުރުސަތެއް ދެއްވުމަށެވެ. ޖަވާބްދާރީ ވާނީ ވަކީލަކާއެކު ކަމަށް ވިދާޅުވެފައިވެ އެވެ.
ގާޒީ ސޮފްވަތު ހަބީބް ވަނީ އޭނާއަށް ވަކީލަކު ހަމަޖެއްސުމަށް 10 ދުވަހުގެ ފުރުސަތެއް ދެއްވާފަ އެވެ. އަދި، ރާއްޖެއިން ބޭރަށް ދާނަމަ ކޯޓަށް އެންގުމަށް ވެސް ގާޒީ ވަނީ އަންގަވާފަ އެވެ. ގާޒީ އެގޮތަށް އަންގަވާފައި ވަނީ، މި މައްސަލަ ކުރިއަށް ނުގޮސް ހުއްޓިފައި ވާތީ އެވެ. މީގެ ކުރިން އޭނާ ރާއްޖޭން ބޭރުގައި ގިނަ ދުވަސްތަކެއް ވަންދެން ހުރުމުން ވެސް އަޑުއެހުންތައް ކެންސަލް ކުރަން ޖެހުނެވެ.
މިއަދުގެ އަޑުއެހުމުގައި އައްބާސް ވަނީ އޭނާއާމެދު 'ސެލެކްޓިވް ޖަސްޓިސް' ގެންގުޅޭ ކަމަށް ދައުލަތުގެ ވަކީލުންނަށް ތުހުމަތުކުރައްވާފަ އެވެ.
މީގެ ކުރިން އައްބާސް ކޯޓަށް ހާޒިރު ނުވެގެން، އޭނާ ބަންދުގައި ބަހައްޓައިގެން ކޯޓަށް ހާޒިރު ކުރުމުގެ އަމުރެއް ވެސް ފުލުހުންގެ މައްޗަށް ކޯޓުން ނެރެފައިވެ އެވެ.
ކޮމެންޓް
މިހާރު އޯކޭވާންޖެހޭނުން ސަރުކަރު ބަދަލުކުރަން ގޮވިއެއްޗެހި ތަކެއްނުން މިސަރުކާރުން އޭނާއައް އަދަބުދީފިއްޔާ އެއީ ދެން ދެރަވަރުގެ ކަމެއް
Republic of Maldives