މޯލްޑިވްސް ޒަކާތު ހައުސް އުފައްދަން ނިންމައިފި
ރައީސް އޮފީހުން ބުނި ގޮތުގައި "މޯލްޑިވްސް ޒަކާތު ހައުސް" އުފެއްދުމާ އެކު ޒަކާތާއި ގުޅޭ ހުރިހާ ކަމެއް އިތުރަށް ހަރުދަނާ ވެގެން ދާނެ އެވެ.
"މޯލްޑިވްސް ޒަކާތު ހައުސް" ނަމުގައި ހާއްސަ އިދާރާ އެއް އުފެއްދެވުމަށް ސަރުކާރުން މިއަދު ނިންމަވައިފި އެވެ.
ސަރުކާރުގެ މި ނިންމުން އައީ މިއަދު އޮތް ކެބިނެޓް ބައްދަލްވުމުގައެވެ. ރައީސުލްޖުމްހޫރިއްޔާގެ އޮފީހުން ބުނީ "މޯލްޑިވްސް ޒަކާތު ހައުސް" ނަމު ގައި ހާއްސަ އިދާރާ އެއް އުފެއްދެވުމަށް މިއަދު އޮތް ވަޒީރުންގެ މަޖިލީހުން ނިންމާފައިވާ ކަމަށެވެ.
ޒަކާތުގެ މަސައްކަތްތަކަށް މިހާރު ހިނގަނީ އިސްލާމިކް މިނިސްޓްރީގައި އެކަމަށް ހާއްސަކޮށް އުފައްދާފައިވާ ސެކްޝަނަކުންނެވެ.
ރައީސް އޮފީހުން ބުނި ގޮތުގައި "މޯލްޑިވްސް ޒަކާތު ހައުސް" އުފެއްދުމާ އެކު ޒަކާތާއި ގުޅޭ ހުރިހާ ކަމެއް އިތުރަށް ހަރުދަނާ ވެގެން ދާނެ ކަަމަށެވެ. އެ ގޮތުން ޒަކާތް ދައްކާ މީހުން އިތުރު ކުރުމާއި ޒަކާތުގެ ހައްގުވެރީންނަށް އެ ފައިސާ ފުރިހަމަ ގޮތުގައި ފޯރުކޮށްދިނުން ހިމެނެ އެވެ.
ޒަކާތުގެ ގޮތުގައި މިހާރު އަހަރަކު ލިބެނީ ގާތްގަނޑަކަށް 90 މިލިއަން ރުފިޔާ އެވެ. "މޯލްޑިވްސް ޒަކާތު ހައުސް" އުފެއްދުމާ އެކު އެ އަދަދު ދެ ގުނަ އިތުރު ކުރުމަކީ އަމާޒެކެވެ. އަދި ޒަކާތާ ގުޅޭ ކަންކަން ހަރުދަނާކޮށް ރާއްޖެ އިން ފަގީރު ކަން ނައްތާލުމަކީ ވެސް މުހިންމު އަމާޒެކެވެ.
ކޮމެންޓް
Republic of Maldives