އެސްއޯއީތަކަށް ވެރިން އައްޔަން ކުރުމާ ބެހޭ މައުލޫމާތު ހޯދަން ޕީސީބީ މަޖިލީހަށް
އެސްއީއޯ ކޮމެޓީގެ މެންބަރުން މިއަދު ވަނީ އެސްއީއޯތަކުގެ ގިނަ މައުލޫމާތުތަކެއް ޕީސީބީން ހޯދަން ޖެހޭ ކަމަށް ވިދާޅުފަ.
ސަރުކާރުގެ ކުންފުނިތަކަށް ވެރިން އައްޔަން ކުރުމާއި ބައެއް ކުންފުނިތަކުން މުވައްޒަފުން ކަނޑަމުންދާތީ އެކަމުގެ މައުލޫމާތު ހޯދަން، ޕްރައިވެޓައިޒޭޝަން ބޯޑް (ޕީސީބީ) ކޮމެޓީއަށް ހާޒިރު ކުރަން ނިންމައިފި އެވެ.
ރައްޔިތުން މަޖިލީހުގެ ސަރުކާރު ކުންފުނިތަކުގެ މަސްހޫލިއްޔަތު ބަލާ ކޮމެޓީ، އެސްއޯއީ ކޮމެޓީގެ މިއަދުގެ ބައްދަލުވުމުގައި މެންބަރުން ވަނީ ޕީސީބީ އިން ގިނަ މައުލޫމާތުތަކެއް މިހާރުގެ ހާލަތުގައި ބޭނުންވާ ކަމަށް ވިދާޅުވެފަ އެވެ. އެގޮތުން ބައެއް ކުންފުނިތަކުން މުވައްޒަފުން ވަކި ކުރަމުން ދިއުމާއި ކުންފުނިތަކަށް ވެރިން އައްޔަން ކުރުމުގައި ސާފު ކުރަން ޖެހޭ ގިނަ ކަންތައްތަކެއް ހުރިކަން ފާހަގަކޮށްފައިވެ އެވެ.
އެސްއޯއީ ކޮމެޓީގެ މިއަދުގެ ބައްދަލުވުމުގައި ފުވައްމުލަކު މެދު ދާއިރާގެ މެންބަރު ހުސެއިން މުހައްމަދު ދީދީ ވިދާޅުވީ ސަރުކާރުގެ ހުރިހާ ކުންފުނިތަކެއްގައި ޑީއެމްޑީ ތިބެން ޖެހޭ ކަމަށް ގަބޫލު ނުކުރާ ކަމަށާ، ބައެއް ކުންފުނިތަކުގައި އެއް ޑީއެމްޑީއަށްވުރެ ގިނައިން އެބަތިބި ކަމަށެވެ.
"ސްޓެލްކޯގައި މިވަގުތު އެބަތިބި ދެ ޑީއެމްޑީން. މިހެން ހުރިހާ ކުންފުނިތަކެއްގައި ފަސް ، ހަ ޑީއެމްޑީން ތިބުން މިއީ އެންމެ ރަނގަޅު ގޮތެއް ތޯ؟ ގިނަ ކަންތައްތަކެއް ސާފު ކުރަން ޖެހޭ،" ހުސެއިން ވިދާޅުވި އެވެ.
ސަރުކާރުގައި 30 އަށްވުރެ ގިނަ ކުންފުނި އޮވެ އެވެ. ނިމިދިޔަ ސަރުކާރުގައި ކެމްޕޭންއާ ދިމާކޮށް ކުންފުނިތަކަށް ގިނަ އަދަދެއްގެ މުވައްޒަފުން ނަގާފަ އެވެ. މީގެ ސަބަބުން ކުންފުނިތަކުގެ ކޭޝް ފްލޯ މަޅި އަރައި ދަނީ ގެއްލުން ވަމުންނެވެ.
ކޮމެންޓް
ސްޓެލްކޯގަ 3 ޑީ.އެމް.ޑީ އެބަތިބި
Republic of Maldives