އެސްޓީއޯ މަކިޓާ ހެއްޔާ ޕްރޮމޯޝަނު ގައި ބޮޑެތި އިނާމުތަކެއް

އެސްޓީއޯ އިން ކުރިއަށް ގެންދާ މަކިޓާ ހެއްޔާ މަކިޓާ ޕްރޮމޯޝަން ބޮޑެތި އިނާމުތަކާއެކު މިއަދު ފަށައިފި އެވެ. 

މިއަދުން ފެށިގެން އަންނަ މަހުގެ 11 ވަނަ ދުވަހުގެ ނިޔަލަށް ގެންދާ މި ޕްރޮމޯޝަން ފައްޓަވައި ދެއްވީ އެސްޓީއޯގެ ޖެނެރަލް މެނޭޖަރު، މުހްއްމަދު އީމާން އެވެ. 

އެސްޓީއޯ އިން ބުނީ މި ޕްރޮމޯޝަން އެ ކުންފުނީގެ މަކިޓާ ޝޯރޫމްގެ އިތުރުން ރީޖަނަލް އައުޓްލެޓްތަކުގައި ކުރިއަށްދާނެ ކަމަށެވެ. ޕްރޮމޯޝަންގެ ދަށުން ކުރާ ކޮންމެ 500 ރުފިޔާގެ ވިޔަފާރި އަކަށް ކޫޕަނެއް ލިބޭއިރު 30 ޕަސެންޓާ ހަމައަށް ޑިސްކައުންޓް ލިބޭނެ އެވެ. 

މި ޕްރޮމޯޝަން ނިމުމުން ގުރުއަތުން ހޮވޭ ފަރާތްތަކުގެ ތެރެއިން އެއް ވަނަ އަށް ދާ ފަރާތަކަށް މަކިޓާ ޝޯރޫމުން 30،000 ރުފިޔާގެ ގިފްޓް ވޮއުޗާ އެއް ލިބޭނެ އެވެ. އަދި ދެވަނަ އަށް 20،000 ރުފިޔާގެ ގިފްޓް ވޮއުޗާ އެއް ލިބޭ އިރު ތިން ވަނަ އަށްދާ ފަރާތަކަށް 10،000 ރުފިޔާގެ ގިފްޓް ވައުޗަރެއް ލިބޭނެ އެވެ. މީގެ އިތުން މި ޕްރޮމޯޝަން ނިމެންދެން ކޮންމެ ހޮނިހިރު ދުވަހަކު މަކިޓާ ޝޯރޫމްގައި މަކިޓާ ޓޫލް ބޭނުންކޮށްގެން އިސްކުރު ޖެހުމުގެ މުބާރާތެއް ވެސް ކުރިޔަށް ގެންދާނެ އެވެ.

މި މުބާރާތުގައި އެންމެ ކުޑަ ވަގުތުކޮޅެއްގެ ތެރޭގައި އެންމެ ގިނަ އިސްކުރު ޖަހާ ފަރާތެއް ހޮވައި އެ ފަރާތަކަށް މަކިޓާގެ އުފެއްދުންތައް އިނާމުގެ ގޮތުގައި ލިބޭނެ އެވެ.