އެމްޕީއެލްގެ ސީއީއޯ އޮފީހަށް ވަޑައިގަތުމުން ހޫނު މަރުހަބާއެއް

މޯލްޑިވްސް ޕޯޓްސް ލިމިޓެޑް، (އެމްޕީއެލް) ގެ ސީއީއޯގެ މަގާމަށް އައްޔަން ކުރެއްވި، މުހައްމަދު ވަޖީހަށް ކުންފުނީގެ މުވައްޒަފުންގެ ފަރާތުން ހޫނު މަރުހަބާއެއް ކިޔައިފި އެވެ.

ވަޖީހު މިއަދު ހެނދުނު އޮފީސް ތެރެއަށް ވަދެވަޑައިގަތުމުން، އޭނާއަށް މަރުހަބާ ދެންނެވުމަށް ކުންފުނީގެ ޗެއާމަން ކެޕްޓަން މުޙައްމަދު ޝަރީފާއި ކުންފުނީގެ މެނޭޖްމެންޓާއި ގިނަ އަދަދެއް މުވައްޒަފުން ބައިވެރިވެފައި ވެއެވެ.  

ސީއީއޯ ވަޖީހު، ވަނީ މިއަދު ކުންފުނީގެ ޑިޕާޓްމެންޓުތަކުގެ ވެރީންނާއި ސެކްޝަންތަކުގެ ވެރީންނާއި ސީނިއާ މުވައްޒަފުންނާ ބައްދަލު ކުރައްވާފަ އެވެ. 

ވަޖީހަކީ 2013 އިން 2022 ވަނަ އަހަރުގެ މާޗު މަހުގެ ނިޔަލަށް އެމްޕީއެލްގައި މަސައްކަތް ކުރައްވާފައިވާ ބޭފުޅެކެވެ، މި މުއްދަތުގެ ތެރޭގައި އެސިސްޓެންޓް ސީއީއޯގެ މަގާމާއި ޖެނެރަލް މެނޭޖަރުގެ އިތުރުން އެސިސްޓެންޓް ޗެއާމަންގެ މަގާމު އަދާ ކުރައްވާފައި ވެއެވެ.