އަފްޒަލް މަސްއޫލިއްޔަތުން ދުރި ކުރި ސަބަބެއް ކަމަށް ވަނީ އޭނާއަކީ ކުރިން އޮތް އެމްޑީޕީގެ ސަރުކާރަށް ފަހިވާ ގޮތަށް ޕީއެސްއެމްގެ ކޮންޓެންޓް ގެންގުޅުއްވި ބޭފުޅެއް ކަމަށް ތުހުމަތުތައް އޮތުމެވެ.
އާ ސަރުކާރުން ދައުލަތުގެ މީޑިއާ ކުންފުނި، ޕީއެސްއެމްގެ މެނޭޖިން ޑިރެކްޓަރަކަށް އައްޔަން ކުރި ޒީނާ ޒާހިރު މަގާމާ ހަވާލުވެ ވަޑައިގެން، ގެންނަވާ ރީފޯމް ޕްރޮގްރާމްގެ ފުރަތަމަ މަސައްކަތެއްގެ ގޮތުގައި އިއްޔެ ކުޑަކުޑައިރުކޮޅަށް އޮފީހަށް ވަޑައިގެން ޑިރެކްޓަރު ނިއުސް އެންޑް ކަރަންޓް އެފެއާޒް / ޕީއެސްއެމް ނިއުސް ހެޑް މުހައްމަދު އަފްސަލް މަސްއޫލިއްޔަތެއް ނެތް ގޮތަށް އެއް ފަރާތް ކޮށްފި އެވެ.
ޒީނާ އިއްޔެ ޕީއެސްމްގެ އޮފީ / ޓީވީ ބިލްޑިންގަށް ވަޑައިގަތެވެ. އޭނާ ވަޑައިގެން ހަމަ އެކަނި ބައްދަލު ކުރެއްވީ ކުންފުނީގެ ނިއުސް ޑިޕާޓްމަންޓްގެ ހެޑް، އަފްސަލާ އެވެ. ހަމަ އެކަނި އެޅުއްވެވި ފިޔަވަޅަކީ އަފްސަލް އެކަހެރި ކުރެއްވުމެވެ.
އެ ބަދްދަލު ކުރެއްވުމުގައި އަފްސަލް، ނިއުސްރޫމުން ނެގި ކަމަށް އެނެގެވުމަށް ފަހު ބައްދަލުވުން ރޫޅައިލެއްވެވީ އެވެ. އޭގެ ފަހުން ޒީނާގެ ފަރާތްޕުޅުން އިއްޔެ ވަނީ މެމޯއެއް ވެސް ނެރުއްވާފަ އެވެ.
އެ މެމޯގައި ބުނަނީ ކުންފުނީގެ ނިއުސް ޑިޕާޓްމަންޓް މިހާރުން ފެށިގެން ވަގުތީ ގޮތުން ހިންގުން ސީނިއާ ޖާނަލިސްޓް ހުސައިން އަމީނާއި ހަވާލު ކުރައްވާ ކަމަށެވެ. އަދި އޭނާގެ އެހީތެރިންގެ ގޮތުގައި ދެން ތިއްބަވާނީ ސީނިއާ އެޑިޓަރު އަހުމަދު ޖަދުއާނާއި ސީނިއާ އެޑިޓަރު މުހައްމަދު ޖިނާހް އަލީ ކަމަށެވެ.
އަދި އެ މެމޯގައި ބުނަނީ މަސްއޫލިއްޔަތުން ދުރުކުރި ޑިރެކްޓަރު ނިއުސް އެންޑް ކަރަންޓް އެފެއާޒް، އަފްސަލް ވަގުތީ ގޮތުން "ދެން ކުރާނީ މެނޭޖިން ޑިރެކްޓަރު ޒީނާ ޒާހިރު އެންގެވި ކަމެއް" ކަމަށެވެ.
އަފްޒަލް މަސްއޫލިއްޔަތުން ދުރި ކުރި ސަބަބެއް ކަމަށް ވަނީ އޭނާއަކީ ކުރިން އޮތް އެމްޑީޕީގެ ސަރުކާރަށް ފަހިވާ ގޮތަށް ޕީއެސްއެމްގެ ކޮންޓެންޓް ގެންގުޅުއްވި ބޭފުޅެއް ކަމަށް ތުހުމަތުތައް އޮތުމެވެ.
ޒީނާ މި ބަދަލު ގެނެސް އަލަށް ހަމަޖެއްސެވި އަމީނަކީ ވެސް މިދިއަ ރިޔާސީ އިންތިހާބުގެ ތެރޭގައި އޭރުގެ ފިނޭންސް މިނިސްޓަރު އިބްރާހިމް އަމީރާއެކު ކުރީގެ ރައީސް އިބްރާހިމް މުހައްމަދު ސޯލިހުގެ ކެމްޕޭނުގައި ބައިވެރިވެ ވަޑައިގެންނެވި ބޭފުޅެކެވެ.
ސަރުކާރުތައް ބަދަލުވާއިރު އެންމެ ފުރަތަމަ ބަދަލު އަންނަ އެއްތަނަކަށް ޕީއެސްއެމްގެ ނިއުސްރޫމް ވެފައި އޮވެއެވެ.
އަފްސަލުމެން މޑޕ ކޮޅަށް ޖެހިފައި ތިބީ މާބޮޑަށް. އަމީރުގެ ޕާޓެއް ލީމާ އެނގިއްޖެ ޒީނާ ވެސް ގޯސް ނޫންކަން.
މިގޮތަށް ބޭރުކުރަންޖެހޭ އެހެން ޑިޕާޓްމަންޓްތައްވެސް އެބަހުރި . ޥެރިންނަށް ވެރިން ފެނިފަތިބޭތަނެއް ޕީއެސްއެމްއަކީ
ތި އަފްޒަލް އަކީ ކަމެއްވާ މީހެއްވެސް ނޫން. ރަނގަޅު ނިންމުމެއް
ހިހި... ފެށުނީ ދޯ! ކަނޑާ ދުއްވާލާ ބޭކާރު ކުނިތައް