ހަތަރު ދުވަހަށް ހަނގުރާމަ ހުއްޓާލަން އިޒުރޭލު އެއްބަސް ވެއްޖެ

އިޒްރޭލުން ފަލަސްތީނަށް އަރައިގަނެ މިދިއަ މަހުގެ 7 ވަނަ ދުވަހުން ފެށިގެން ކުރާ ހަނގުރާމަ މެދުކަނޑާލަން އިޒްރޭލުގެ ކެބިނެޓުން ފާސްކޮށްފި އެވެ. 

މި އެއްބަސްވުން އައީ ދެމެދުގައި ގަތަރުން މެދުވެރިއެއްގެ ރޯލު އަދާކޮށްގެން އެކުލަވާލި މި އެއްބަސްވުމަކަށް ވާހަކަ ދައްކައިގެނެވެ. -- އެއްބަސްވުން ފާސްކުރި ނަމަވެސް މި އެއްބަސްވުމަށް އަމަލުކުރަން ފަށާނެ ތާރީހެއް އަދި އިއުލާނެއް ނުވެއެވެ. 

މި އެބަސްވުމުގެ ފުރަތަމަ މަރުހަލާގައިވާ ގޮތުން ހަނގުރާމަ މެދުކަނޑާލަން ނިންމާފައިވަނީ ހަތަރު ދުވަހަށެވެ. އަދި އެއްބަސްވުމުގެ ތެރެއިން ގޮސް ހަމާސް ޖަމާއަތުން ހިފަހައްޓާފައިވާ އިޒްރޭލުގެ 50 މީހަކު ދޫކޮށްލާނެ އެވެ. އިޒްރޭލުގެ ޖަލުތަކުގައިވާ ފަލަސްތީނުގެ 150 މީހަކު ވެސް ދޫކޮށްލާނެ އެވެ.

ގަތަރު އިސްވެ ހެދި އެއްބަސްބުން އިޒްރޭލުންގެ ކެބިނެޓުގައި ފާސް ކުރި އިރު އެ އެއްބަސްވުމުގެ ދަށުން އިޒްރޭލުން ފަލަސްތީނުގެ ގާޒާ އަށް ދުވާލަކު އިންސާނީ އެހީއާއެކު އަންނަ 300 ޓްރަކް ވެއްދުމުގެ ހުއްދަ ވެސް ދޭން ޖެހޭނެ އެވެ. ހަނގުރާމަ މެދުކަނޑާލާފައި އޮންނަ ހަތަރު ދުވަހު ގާޒާ އަށް ތެޔޮ އެތެރެކުރުމުގެ ހުއްދަ ވެސް އިޒްރޭލުން ދޭނެ އެވެ. 

މިދިޔަ މަހުގެ 7 ވަނަ ދުވަހު ފެށި ހަނގުރާމައިގައި މިހާތަނަށް ފަލަސްތީނުގެ 14،000 އަށް ވުރެ ގިނަ މީހުން މަރާލާފައި ވެއެވެ.