ހުޅުމާލޭގައި ނުރައްކާތެރި އެކްސިޑެންޓެއް، ހަތަރު މީހަކަށް އަނިޔާ

ހުޅުމާލޭގައި ނުރައްކާތެރި އެކްސިޑެންޓެއް ހިނގަައިފި އެވެ.

ފުލުހުންގެ ހިދުމަތުން ބުނި ގޮތުގައި ހުޅުމާލެ ސެންޓްރަލް ޕާކު ކައިރީ ގައި ނުރައްކާތެރި އެކްސިޑެންޓެއް ހިނގާފައިވާ ކަމަށެވެ. އެކްސިޑެންޓްވީ ކާރަކާއި ތިން ސައިކަލު ޖެހިގެންނެވެ.

އެކްސިޑެންޓް ގައި ހަތަރު މީހަކަށް ވަނީ އަނިޔާ ވެފައެވެ. އެ މީހުންނަށް ހޮސްޕިޓަލްގައި ދަނީ ފަރުވާ ދެމުންނެވެ.

ލިބުނު އަނިޔާގެ ތަފްސީލެއް ނުދެ އެވެ. އެކްސިޑެންޓްވީ ސަރަހައްދު ގައި ފުލުހުން ދަނީ ހަރަކާތްތެރި ވަމުންނެވެ.