އޭނާ ވިދާޅުވީ ޖުމްހޫރީ ވެރިކަމަކީ ރައްޔިތުންގެ ބައިވެރިވުން އޮވެ، މުޅި ގައުމަށް ހެވާއި ލާބަ ލިބިގެންދާ ވެރިކަމުގެ ނިޒާމެއް ކަމަށާއި އަދި ގައުމުގެ ވެރިޔަކު ހޮވުމަށް ވެސް އެންމެ އިތުބާރު ކުރެވޭ، ނިޒާމު ކަމަށް ޤަބޫލު ކުރައްވާ ކަމަށެވެ.
ގައުމު ބިނާކުރުމުގައި ގައުމީ ފިކުރު އޮންނަންޖެހޭ ކަމަށް ގަބޫލުކުރައްވާ ކަމުގައި އެމްއެންޕީގެ ރައީސް، އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު މުޙައްމަދު ނާޒިމް (ކާނަލް ނާޒިމް) ވިދާޅުވެއްޖެ އެވެ.
ނާޒިމް މިހެން ވިދާޅުވީ ރާއްޖޭގެ ޖުމްހޫރީ ދުވަހުގެ ހެޔޮ އެދުމާއި ތަހުނިޔާ އިންތިހާބީ ރައީސް ޑރ. މުޙައްމަދު މުއިއްޒު އަށާއި ދިވެހި ރައްޔިތުންނަށް އަރިސް ކުރައްވައި އާންމު ކުރެއްވި ވީޑިއޯ މެސެޖްގަ އެވެ.
އޭނާ ވިދާޅުވީ ޖުމްހޫރީ ވެރިކަމަކީ ރައްޔިތުންގެ ބައިވެރިވުން އޮވެ، މުޅި ގައުމަށް ހެވާއި ލާބަ ލިބިގެންދާ ވެރިކަމުގެ ނިޒާމެއް ކަމަށާއި އަދި ގައުމުގެ ވެރިޔަކު ހޮވުމަށް ވެސް އެންމެ އިތުބާރު ކުރެވޭ، ނިޒާމަކީ އެއީ ކަމުގައި ގަބޫލު ކުރައްވާ ކަމަށެވެ.
ރައްޔިތުންގެ ތާއީދާއެކު ގައުމުގެ ވެރިޔަކު ހޮވުމަށް، ގާނޫނުން ރައްޔިތުންނަށް ތަނަވަސްކޮށްދީފައިވާ ފުރުސަތަކީ ގައުމުގެ ތަރައްގީއަށް އެ ރައްޔިތުން އެދޭ ބަދަލު ގެނައުމަށް އޮތް ވަރަށް ތަނަވަސް ފުރުސަތެއް ކަން ފާހަގަ ކުރައްވަމުން ނާޒިމް މެސެޖްގައި ވިދާޅުވީ ޖުމްހޫރީ ވެރިކަމަކީ ރައްޔިތުންގެ ބައިވެރިވުން އޮވެމެ މުޅި ގައުމަށް ހެވާއި ލާބަ ލިބިގެންދާނެ ވެރިކަމުގެ ނިޒާމެއް ކަމަށެވެ.
ރާއްޖޭގެ ޖުމްހޫރީ ދުވަހަކީ ނޮވެމްބަރު މަހުގެ 11 ވަނަ ދުވަހެވެ. ދިވެހި ޖުމްހޫރިއްޔާއަށް މި އަހަރަށް މި ފުރުނީ 55 އަހަރު އެވެ.