ވީއައިޭގައި މީހުނަށް އުނދަގޫކުރަމުންދިޔަ ޗައިނާ އަންހެނަކު ހައްޔަރުކޮށްފި
ފުލުހުން މިކަމާ ގުޅިގެން ބުނީ މި އަންހެން މީހާ އުޅެމުން ދިޔައީ އެހެން މީހުންނަށް އުނދަގޫވާ ގޮތަށް އަޑުގަދަކޮށް، ތަންތަނަށް ކުޅު ޖެހުން ފަދަ އަމަލުތައް ކުރަމުން ކަމަށެވެ.
ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ތެރޭގައި އެހެން މީހުންނަށް އުނދަގޫކޮށް ބޭއަދަބީ އަމަލުތައް ހިންގަމުން ދިޔަ ޗައިނާ އަންހެނަކު ފުލުހުންގެ ބެލުމުގެ ދަށަށް ގެންގޮސްފި އެވެ.
މިއީ ވިސާ މައްސަލަ ޖެހިގެން އެއާޕޯޓް ތެރޭގައި ގިނަ ދުވަސްތަކެއް ވަންދެން އުޅެމުން ދިޔަ އަންހެނެއް ކަމަށް މައުލޫމާތު ލިބެ އެވެ.
ފުލުހުން މިކަމާ ގުޅިގެން ބުނީ މި އަންހެން މީހާ އުޅެމުން ދިޔައީ އެހެން މީހުނަށް އުނދަގޫވާ ގޮތަށް އަޑުގަދަ ކުރުމުގައި ކަމަށެވެ. އަދި އެއާޕޯޓްގެ ތަންތަނަށް ކުޅު ޖެހުން ފަދަ އަމަލުތައް ކުރަމުން ދިޔަ ކަމަށެވެ.
އޭނާގެ އަމަލުތައް ހުރި ގޮތުން މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ. އިތުރު ތަފްސީލެއް ފުލުހުން ނުދެ އެވެ.
މީގެ ކުރިން ވެސް މި ގޮތަށް އުޅޭ ބައެއް ބިދޭސީން ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
ކޮމެންޓް
ތި މީހާ ގެންދަން މާ ލަސްވެސް ވެއްޖެ އެއާ ޕޯޓުގެ ފުލުހުންނަ ވެސް ފެންނާނެ އެމީހާ އެންމެން ކުރިމަތީ ހެދުން ބަދަލު ކުރާތަންވެސް އިންފޯ ކުދިންވެސް މަޖާވެފަ ހޭންތިބީ
ގޮތްކުޑަކޮއްލައިގެން އުޅެންދޭ އަމިއްލަ ގައުމަށް
Republic of Maldives