ކޮތަޅު ޓެކުހުން ލިބޭ އާމްދަނީ މައްޗަށް
މި ޓެކްސް ނަގަން ފެށި ފުރަތަމަ މަހު ޕްލާސްޓިކް ކޮތަޅުން މަދު އަދަދެއްގެ އާމްދަނީ ލިބުނު ނަމެސް މިހާރު ލިބޭ އާމްދަނީ ދަނީ މަތިވަމުންނެވެ.
ރާއްޖޭގެ ތިމާވެށި ހިމާޔަތްކޮށް ސިންގަލް ޔޫސް ޕްލާސްޓިކުން ސަލާމަތް ވާން ސަރުކާރުން ނަގަން ފެށި ކޮތަޅު ޓެކުހުން ދައުލަތަށް ލިބޭ އާމްދަނީ މައްޗަށް ޖެހެން ފަށައިފި އެވެ.
ރާއްޖޭގައި ކޮތަޅަކުން ދެ ރުފިޔާގެ ފީއެއް ނަގަން ފެށީ މިދިޔަ އަހަރުގެ އެޕްރީލް މަހުން ފެށިގެންނެވެ.
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ރަސްމީ ހިސާބުތައް ދައްކާ ގޮތުން ރާއްޖޭގައި ކޮތަޅު ޓެކްސް ނަގަން ފެށި، މިދިއަ މެއި މަހު އެ ޓެކުހުން 1.7 މިލިއަން ރުފިޔާ ލިބިފައި ވެއެވެ.
ނަމަވެސް މިދިއަ އޮގަސްޓް މަހު ކޮތަޅު ޓެކްހުގެ ގޮތުގައި އަށް މިލިއަން ރުފިޔާގެ އާމްދަނީއެއް ލިބިފައިވެ އެވެ.
ސަރުކާރުން ވަނީ ޕްލާސްޓިކުގެ 11 ބާވަތެއް ރާއްޖެ އެތެރެ ކުރުން މަނާ ކޮށްފަ އެވެ.
މީގެ އިތުރުން މުދާ ބަންދުކުރުމާ ގުޅޭގޮތުން އުފައްދާ ފަރާތުގެ ދެމިގެންދާ ޒިންމާ އާއި ގުޅޭ ގާނޫނު ފާސްކުރެވިގެންދާނެ އެވެ އަދި އެއްފަހަރު ބޭނުންކޮށްފައި އުކާލާ ޕްލާސްޓިކުގެ ބަދަލުގައި ދެމެހެއްޓެނިވި ގޮތެއްގައި ބޭނުންކުރެވޭނެ ތިމާވެއްޓާ ރައްޓެހި ބާވަތްތައް ތައާރަފްކުރުންވެސް ހިމެނެ އެވެ.
ކޮމެންޓް
Republic of Maldives