ގާނޫނާއި ހިލާފަށް ވަދެ އުޅުނު މަސްބޯޓުތަކެއް ހިފަހައްޓައިފި

ރާއްޖޭގެ ހާއްސަ އިގްތިސާދީ ސަރަހައްދު ގައި ގާނޫނާއި ހިލާފަށް މަސްވެރިކަން ކުރަމުން ދިޔަ ބޯޓްތަކެއް އަތުލައިގެންފި އެވެ.

އެމްއެންޑީއެފުން ދެންމެ ބުނީ ދިވެހީންގެ ހާއްސަ އިގްތިސާދީ ސަރަހައްދުގައި ގާނޫނާއި ހިލާފަށް މަސްވެރިކަން ކުރަމުންދިޔަ ބޭރުގެ ހަތަރު މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށެވެ.

މި ބޯޓްތައް ކޯސްޓްގާޑުގެ ބެލުމުގެ ދަށަށް ގެނެސްފައި ވަނީ އދ. މަހިބަދޫ "އަސުރުމާ" މަސްދޯނީގެ ފަރާތުން ފޯރުކޮށްދިން މައުލޫމާތުގެ އެހީގައި ހިންގި އޮޕަރޭޝަނެއް ގައި ކަމަށްވެސް ބުންޏެވެ.

މި އޮޕަރޭޝަން އަދިވެސް ކުރިއަށްދާ ކަމަށް ބުންޏެވެ.