އެމްޕީއެލް އިން ވަނީ ކޮންޓެއިނާ އުފުލުމާއި ހޭންޑްލިންގެ އަގުން 25 ޕަސެންޓް ކުޑަ ކޮށްފަ އެވެ.
މާލެ އާއި ރީޖަނަލް ބަނދަރުތައް ބަލަހައްޓާ ކުންފުނި، މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ސަރަހައްދީ ބަނދަރުތަކަށް ގެންދާ ކޮންޓެއިނަރުތަކުން ނަގާ އަގުތައް ކުޑަކުރަން ނިންމައިފި އެވެ.
އެމްޕީއެލް އިން ބުނީ ސަރަހައްދީ ބަނދަރުތަކަށް ގެންދާ ކޮންޓެއިނަރުތަކުގެ ވޯފޭޖް ޗާޖް އާއި ހޭންޑްލިން އަދި ސްޓީވަޑޯރިން ފީ އަދި އެމްޕްޓީ އަންލޯޑިން އަދި ހޭންޑްލިން ޗާޖަސްގެ އަގު ވެސް ވަނީ 25 ޕަސެންޓު ކުޑަކޮށްފައިވާ ކަމަށެވެ.
އެމްޕީއެލް މި ބަދަލު ގެނެސްފައިވަނީ މިދިޔަ ހުކުރުން ފެށިގެންނެވެ. މި ބަދަލާއެކު މާލޭގެ މައި ވިޔަފާރި ބަނދަރާއި ހުޅުމާލެ އިންޓަނޭޝަނަލް ޓާމިނަލުން އެ ކުންފުނީގެ ސަރަހައްދީ ބަނދަރު ތަކަށް ގެންދާ ކޮންޓެއިނަރުތަކަށް ނަގާ އަގުތައް ކުޑަވާނެ އެވެ.
މި ބަދަލުގެ ނަތީޖާއަކީ ކޮބާ ؟ މި ބަދަލާއެކު ޑޮމެސްޓިކް ޓްރާންޝިޕްމަންޓަށް ނަގާ ފީތައް ކުޑަވުމުން ކްލިއަކުުރުނުގެ ފީވެސް ކުޑަވެގެންދާނެ އެވެ. މިކަމުގެ ސަބަބުން ސަރަހައްދީ ބަނދަރުތަކަށް މުދާ ލިބުމުގައި އަވަސް ވެގެންދާނެ އެވެ.